Më 8 prill 2023, në xhaminë “Bedër” në Butel, para namazit të teravisë, Myftinia e BFI – Shkup shënoi Ditën e Bedrit.
Në këtë solemnitet Myftiun dr. Qenan ef. Ismaili dhe personelin e Myftinisë e mirëpritën hatibi i xhamisë Ferid ef. Selimi, këshilli i xhamisë dhe xhematlinj të shumtë.
Fillimisht hatibi i kësaj xhamie Ferit ef. Selimi përshëndeti xhematin dhe falenderoi Myftiun që sonte përzgjodhi këtë xhami për të shënuar ditën e Bedrit.
Në vazhdim të programit, Jasir Kadriu kënodi një ashere dhe më pas u kënduan edhe disa ilahi nga Burhan Ferati, Afrim Haziri dhe Asllan Bejta.
Në fjalën kryesore, Myftiu përcolli konceptin e Muhamedit a.s. në fitoren e Bedrit dhe jo vetëm. Ai theksoi se sukseset në këtë botë nuk arrihen pa një plan të caktuar, ashtu siç Muhamedi a.s. planifikonte çdo veprim.
Në përmbyllje të kësaj ceremonie këshilli i xhamisë “Bedër” ndau 11 mirënjohje postmortum për ata që kontribuan në ndërtimin dhe mirëmbajtjen e kësaj xhamie.