Më 10 prill 2023 – 19 Ramazan 1444H, Myftinia e Shkupit, shtroi iftar për mualimet që veprojnë nëpër xhamitë e Myftinisë, profesoreshat, studentet dhe nxënëset e dy vatrave arsimore; Fakultetit të Shkencave Islame dhe “Medresesë Isa Beu”.
Iftari që u shtrua në Restoran “Korabi” u begatua me Kuran dhe ilahi të interpretuara nga Kori i Medresesë “Isa Beu” dhe me fjalime të të ftuarave. Duanë e iftarit dhe të ezanit e bëri mualimja Neal Veseli, ndërsa duanë e ushqimit e bëri studentja Besa Selami.
Programin që e moderoi Zërijeta Jahjaga vijoi me ashere të interpretuar nga nxënësja e Medresesë Kanita Ferati.
Më pas me fjalime u prezantuan administratorja e Medresesë Nurtene Shehu Sakipi. Dekanja e Fakultetit të Shkencave Humane dhe Shoqërore pranë IBU Sejhan Murtezan Ibrahimi u prezantua me fjalë rasti.
Me fjalimet e tyre u paraqitën edhe mualime Hanife Abdi Cako, hfz. Teologe Nesrin Muaremi (mësuese e lëndës Etika Fetare në shkollën “Hasan Prishtina”.
Teologia Xheuhere Ramani, në fjalën e saj përshëndetëse, në emër të Myftinisë dhe kolegeve falenderoi të pranishmet që me pjesëmarrjen e tyre begatuan sofrën e iftarit.
Ky program u përmbyll me ashere që e interpretoi studentja e FSHI Jusra Bislimi.