Myftinia e BFI -Shkup në bashkëpunim me SHMI Medreseja “Isa Beu”, paralelja e vajzave në Shkup, filloi aktivitetet e saj të radhës me rastin e muajit të shenjtë të Ramazanit.
Më datë 01 prill 2023 (e shtunë), nxënëset e kësaj shkolle filluan me praktikën e Ramazanit në xhaminë “Ikre”, në Saraj, të udhëhequra nga Mr. Nurten Shehi Sakipi. Moderatore e programit ishte nxënësja Dhikra Bajrami. Më pas programi vazhdoi me ligjëratën e nxënëses Fatime Demiri me temë “Veçoritë e Ramazanit”, si dhe nxënësja Tuba Rexhepi me temë “Durimi”. Programin e begatuan edhe korri i medresesë me këndimin e ilahive dhe recitaleve. Në fund duan e bëri Mr. Nurten Shehi Sakipi.
Poashtu aktivitet kushtuar gjinisë femërore u realizua edhe në xhaminë “Hfz. Halil ef. Ibrahimi” në Kondovë, nën udhëheqje të prof. Hyrijete Gajni Kadri. Moderatore e programit ishte nxënësja Sara Tairi. Më pas programi vazhdoi me ligjëratën e nxënëses Fatime Tairi me temë “Kërkimi i diturisë” si dhe nxënësja Rumejsa Ismani me temë “Objektivat e agjërimit”. Fjalën e rastit e pati prof. Hyrijete Gajni Kadri. Në vazhdim programin e begatuan edhe korri i medresesë me këndimin e ilahive dhe recitaleve.