MBLEDHJA E VIII – TË ME ANËTARËT E MYFTINISË

Sot, 10 tetor 2023, Myftinia e BFI – Shkup realizoi mbledhjen e rregullt, të tetën me radhë me anëtarët e Myftinisë së Shkupit që e kryesoi Myftiu dr. Qenan ef. Ismaili.

Mbledhja u hap me një ashere të kënduar nga Emran ef. Hoxha dhe më pas Myftiu paraqiti pikat e rendit të ditës.

Pas miratimit të rendit të ditës, u lexua procesverbali i mbledhjes paraprake i cili njëzëri u miratua. Myftiu shpalosi një nga një aktivitetet mes dy mbledhjeve dhe hollësisht u elaboruan të gjitha. Pas diskutimit rreth pikave të rendit të ditës, anëtarët e Myftinisë u informuan, aprovuan dhe miratuan si më poshtë:

Kostoja e restaurimit të Qendrës për Kulturë dhe Arsim “Bezisten” ishte 114.256 euro, prej të cilave nga buxheti i Myftinisë u ndanë 83.560 euro ndërsa nga donatori 30.400 euro.

Në këtë qendër vepron edhe Instituti i Hifzit për vajza dhe revista për fëmijë Hënëza .

Gjatë kësaj periudhe nga komisioni i Myftinisë titullin hafiz morën:

Sead Ferati

Dijar Ibrahimi

Anesa Bajrami

Jusuf Asani

Furkan Xhemaili

Jusuf Alijevski

Me autorizime për nëpunës fetarë u pajisën:

Adni Hasa – imam në mesxhidin “Mëshira” në Fushë Tophanë,

Merita Memedi – mualime në xhaminë “Dëshmorët” në Hasanbeg,

Nurihan Hirdo – mualime në xhaminë e Inxhikovës,

Vildan Kaloshi – mualime në xhaminë “Haxhi Nazif”, rrugës së Rashtakut,

Rejhane Hoxha – mualime në xhaminë “Dudije” në Rashçe,

Shefket Memeti – imam në mesxhidin “Es Sabër” në Gjorçe Petrov,

Kadrije Sulejman dhe Husnije Kurtullush – muhafize në Institutin e Hifzit për vajza “Bezisten”,

Aziz Memishi – imam në xhaminë “Othman ibn Affan” në Vizbeg.

Myftinia e Shkupit për vakëfin në lagjen Gazi Babë nga buxheti i vet ndau 20.000 euro.

Nga ana e Myftinisë, nxënësve të mektebeve iu shpërndanë 512 Mus’hafa.

Pas vlerësimit të komisionit, në 21 ceromoni të hatmeve me certifikata u pajisën 357 nxënës të shkallës së parë, 41 të shkallës së dytë dhe 9 të shkallës së tretë.

Përshkak të kërkesës dhe nevojës së mektebeve u ribotuan “ElifBaja” dhe “Ilmihali” në gjuhën shqipe.

U diskutua shqetësimi për faturat e “mbeturinave” të xhamive kundrejt Higjienës Komunale.

U diskutua shqetësimi i mospagimit të faturave të shërbimeve në Teatrin për Fëmijë në Çarshi.

Gjithësej kurbana të dorëzuara në Myftininë e Shkupit për vitin 2023 ishin 827, ndërsa u shpërndanë 1310 pako me mish. Në detaje u paraqitën vërejtjet dhe anët pozitive të ecurisë së therrjes dhe shpërdarjes.

Në detaje u raportua për Haxhin dhe rezultatet e pyetësorit. Vlenë të theksohet se së bashku me udhëheqësit, Myftinia e Shkupit ka patur 459 haxhinjë.

Me sukses u realizuan Netët Kulturore Islame dhe eskurzioni me garuesit në Strugë dhe Ohër.

Java e Lindjes së Muhamedit a.s u manifestua me pesë programe në xhami dhe rajone të ndryshme.

Lartë u vlerësua organizimi i Seminarit “Vetëdija Institucionale dhe forca e bashkëpunimit” realizuar në Sarajevë me 124 nëpunës fetarë.

Lartë u vlerësua seminari “Mektebi, Nëna e edukimit” me mualimet e Myftinisë së Shkupit realizuar në Kodrën e Diellit – Tetovë.

Me sukses u realizua eskurzioni me rreth 1700 nxënës të mektebeve në QRS – Saraj.

U raportua për harxhimet dhe përkrahjen nga donatorët për realizimin e projekteve të Myftinisë së Shkupit.

U raportua në detaje për fondin e xhamiave të rrezikuara, që kësaj radhe kap totalin 10.207 euro. Më poshtë në foto ju paraqesim pasqyrën e plotë të këtij aksioni.