Më 19 prill 2023, në prag të Fitër Bajramit, të udhëhequr nga edukatoret e tyre, Myftininë e Shkupit e vizituan nxënësit e çerdhes “Borëbardha”.
Gjatë kësaj vizite Myftiu dr. Qenan ef. Ismaili iu dëshiroi mirëseardhje fëmijëve kurse ata shprehën kënaqësinë e tyre nga kjo vizitë dhe gëzimin e shprehën përmes poezisë.
Më pas së bashku me fëmijët Myftiu vizitoi edhe xhaminë “Isa Beu” ku i njohu fëmijët me xhaminë, elementet dhe rolin e saj.
Për të shijuar festën e Fitër Bajramit të gjithë nxënësve që vizituan Myftininë, Myftiu iu ndau nga një Paketë Bajrami.
