Me datë, 8 dhjetor 2023, Myftiu i Shkupit dr. Qenan ef. Ismaili i shoqëruar nga stafi i Myftinisë, në hapësirat e Institutit e hifzit për vajza “Bezisten” së bashku me përgjegjësen e instituti hfz. Kadriye Sulejman dhe bashkëpuntoren hfz. Hysnije Kurtulush, pritën në takim drejtorin e medresesë “Hayme Ana Kiz Anadolu Imam Hatib Lisesi” nga Antalya e Türkiyes, z. Mehmet Devexhi me bashkëshorten znj. Keziban Devexhi dhe zv. drejtoresha znj. Semiha Direkçi, të shoqëruar nga drejtori i medreses Isa Beu, dr. Islam ef. Islami dhe sekretari i medreses h. Avni ef. Neziri.
Myftiu dr. Qenan ef. Ismaili ju dëshiroi mirëseardhje dhe i njoftoi për së afërmi për aktivitetet e Myftinisë së Shkupit, me theks të veçantë për dy institutet e hifzit, atë “Bezistenit” dhe “Hafiz Ismail efendiu”.
Drejtori i medresesë z. Mehmet Devexhi përgëzoi sukseset e arritura në Shkup, u diskutua për bashkëpunimin e mundshëm mes dy institucioneve.
Përndryshe, dy medresetë kanë bashkëpunim në sfera të ndryshme në veprimtarinë e tyre.
Në fund të takimit, Myftiu iu dhuroi botimet e Myftinisë në gjuhën turke.
