Më 27 Janar 2023, Myftiu i Myftinisë së BFI – Shkup dr. Qenan ef. Ismaili i shoqëruar nga sekretari mr. Nexhmi Ferati dhe referenti Fejsall Kadriu vizitoi xhematin e xhamisë “Haxhi Nazif” në rrugën e Rashtakut, në periferi të kryeqytetit.
Kjo vizitë vjen në vazhdën e aktiviteteve që realizon Myftiu në xhematet e Myftinisë. Në pritje të Myftiut në një atmosferë të ngrohtë vëllazërore ishin hatibi i kësaj xhamie Florin Ademi, këshilli i xhamisë dhe një numër i madh i xhematlinjëve.
Me këtë rast, nga minberi Myftiu përcolli mesazhin e ditës së xhuma.