Sot, më datë 26 mars 2021 (e xhuma), referenti i Myftinisë së Shkupit, dr.Fatmir ef.Zaimi vizitoi xhematin e xhamisë së fshatit Draçevicë të Karshijakës së Shkupit, me rastin e emërimit të Berat ef.Sadikit; hatib, imam dhe mualim pranë kësaj xhamie.
Para faljes së namazit të xhumasë, dr.Fatmir ef. Zaimit në fjalën e tij të mbajtur para xhematit të pranishëm, në emër të Myftiut uroi hatibin e ri duke i dëshiruar mbarësi në detyrën e tij dhe mes tjerash përmendi obligimet dhe të drejtat që i takojnë nëpunësit fetar bazuar në Rregulloren e Punës së Myftinisë së Shkupit.
Berat Efendiu pasi pranoi autorizimin, mes tjerash falenderoi Myftiun e Shkupit, dr.Qenan ef.Ismaili për besimin e dhënë dhe para gjithë xhematit të pranishëm deklaroi se këtë detyrë do ta kryen me nder dhe përgjegjësi të plotë.