Në prezencë të Myftiut të Shkupit dr. Qenan ef. Ismaili dhe drejtorit të Institutit të Mjekësisë së Punës, z. Aziz Maksuti sot, 30 maj 2022, në hapësirat e Institutit nis me kontrollimin sistematik mjekësor të të gjithë nëpunësve fetarë; hatibëve, imamëve, muezinëve, mualimëve, mualimeve dhe stafit operativ.
Me këtë, Myftinia e Shkupit synon për një mirëqenie më të mirë shëndetësore të nëpunësve fetarë, ngritjen e performancës dhe efikasitetit të kryerjes së detyrës ku përmes kontrollimit sistematik shëndetësor do të arrihet ekzaminimi mjekësor, kryerja analizave dhe kontrolleve mjekësore, sipas kritereve mjekësore të përcaktuara nga Instituti i Mjekësisë së Punës.